I Testi delle Canzoni Popolari Milanesi
Dalla Ringhiera…
Mi sont chì a menà la cunna Fa ninì popò de cunna Piva Piva Lunedì l’è nassuu el Peppin Pioeuv, Pioeuv, Pioeuv La maestra piscinina Ara bell’Ara La Peppina la fa el caffè Pin pin cavallin Cicca Barlicca Sòtt al pont de s’ciff e s’ciaff Tògn Tògn Crapapelada Trenta quaranta Caterina di coraj Tutt i magutt Santa Clara Sant’Antoni del purscell	E verrà quel dì di lune La mia mamma la va al mercaa Serafino aveva un siffolo La tegnoeula De goeub a ghe n’è tanti
Testi
Mi sont chì a menà la cunna Mi sont chì a menà la cunna Mè marii l’è a l’osteria Questa chì l’è la fortuna O tosann a toeu marì Torna all’inizio
Fa ninin popò de cunna Fa ninin popò de cunna che 'l papà el patiss la lunna la lunna la patiss on poo de spess fa ninin popò de gess. Torna all’inizio
Piva Piva Piva, piva l'oli d'oliva l'è 'l Bambin che porta i belee, l'è la mamma che spend i danee Fa la nanna o bel bambin, Re divin Re divin. Torna all’inizio
Lunedì l’è nassuu el Peppin Lunedì l’è nassuu el Peppin Martedì gh’hann daa el laccin Mercoldì l’ha cominciaa a staa in pee Giovedì l’ha tòlt miee Venerdì l’è staaa malaa Sabet l’è mòrt Domenega gh’hann faa el còrp. Torna all’inizio
Pioeuv, pioeuv, pioeuv Pioeuv, pioeuv, pioeuv la gajna la faa l’oeuv, fiocca, fiocca, fiocca la gajna la fa l’oca Pioeuv, pioeuv, pioeuv la gajna la faa l’oeuv, el gallett el và debass tutt i sciori vann a spass vann a spass a sett a sett tutt i sciori hinn sabett Torna all’inizio
La maestra piscinina La maestra piscinina La m’insegna la dottrina La m’insegna a lavorà La maestra la me dà La me dà con la bacchetta La maestra cinciapetta. Torna all’inizio
Ara bell’Ara Ara bell’Ara discesa Cornara dell’or e del fin del Cont Marin; strapazza bordòcch dent e foeura trii pitòcch trii pessit e ona mazzoeura quest l’è dent e quest l’è foeura. Torna all’inizio
La Peppina la fa el caffè Un due tre La Peppina la fa el caffè La fa’l caffè con la ciccolatta La Peppina l’è mezza matta. Matta tì, matta mì La mia gatta la voeur morì. Lassa che la moeura Faremm fa ona cassa noeuva Noeuva noventa Faremm fa ona cassa argenta Genta gentaja Faremm fa ona cassa paja Paja pajon Brutta vegia polenton Torna all’inizio
Pin pin cavallin Pin pin Cavallin Scòtta la preja del tombin: pan pòss pan fresch indovina se l’è quest! Pin pin Cavallin Acqua calda Acqua freggia Ten tì quest Damm a mì quest. Torna all’inizio
Cicca Barlicca Cicca Barlicca la forca l’impicca, leon, speron… col rest… indovina se l’è quest! Torna all’inizio
Sòtt al pont de s’ciff e s’ciaff Sòtt al pont de s’ciff e s’ciaff Dove sta Bargniff Bargnaff Colla vesta verdesina Gran dottor chi l’indovina. Torna all’inizio
Tògn Tògn Tògn Tògn Pela rògn Pela figh Capitani di formigh Capitani di soldata Indovina chi l’è staa. Torna all’inizio
Crapapelada Crapapelada l’ha faa i tortej Ghe n’ha daa minga ai sò fradej I sò fradej hann faa la frittata ghe n’hann daa minga a’l Crapapelada Torna all’inizio
Trenta quaranta Trenta quaranta la pegora la canta, la canta soeu el soree, va domanda al pegoree, pegoree l'è 'ndaa a Ròma, va domanda a la padròna, la padròna l'è in giardin, va domanda al Gioanin Gioanin l'è in la stalla va domanda a la cavalla la cavalla l'è in sul tecc, tirela giò per i orecc, i orecc la gh'ha malaa, la manderemm a l'ospedaa ghe darann la medesina la morirà doman mattina. Torna all’inizio
Caterina di coraj Caterina di coraj Leva su che canta i gaj Canta i gaj e la gajna Leva su che l’è mattina L’è mattina, mattinà Leva su che l’è fioccaa L’è fioccaa lassù in montagna Viva viva el re de Spagna Re de Spagna imperador Viva viva el scior dottor Scior dottor de la marsinetta L’ha sparaa con la s’cioppetta La s’cioppetta l’è sparada Caterina l’è sposada. Torna all’inizio
Tutt i magutt A la mattina Quand sòna i vòtt or Tutt i magutt Se metten a cor Pesten i pee, pesten i man tutt i magutt vann a toeu el pan pesten i man pesten i pee tutt i magutt a tornen indree. Torna all’inizio
Santa Clara Santa Clara, Santa Clara Imprestemm la vostra scala Pòda andà in paradis A trovà san Dionis San Dionis l’è bell e mòrt Gh’è nessun de fagh el còrp La Madonna la piangeva San Giusepp el sospirava San Luis in genoggion O che bella devozion. Torna all’inizio
Sant’Antoni del porscell Sant’Antoni del porscell El sonava el campanell Campanell l’è sonaa Sant’Antoni l’è scappaa L’è scappaa dent’ona pòrta Gh’era là ona dònna mòrta Dònna mòrta l’ha parlaa Sant’Antoni l’è scappaa. Torna all’inizio
E verrà quel dí di lune E verrà quel dí di lune mi vó al mercaa a comprà la fune Lune la fune e fine non avrà e la Rosina bella in sul mercaa e la Rosina bella in sul mercaa. E verrà quel dí ai marte mi vó al mercaa a comprà le scarpe Marte le scarpe lune la fune e fine non avrà e la Rosina bella in sul mercaa e la Rosina bella in sul mercaa. E verrà quel dì di mercole mí vó al mercaa comprà le nespole Mercole le nespole marte le scarpe lune la fune e fine non avrà e la Rosina bella in sul mercaa e la Rosina bella in sul mercaa. E verrà quel dí di giove mí vó al mercaa comprà le ove Giove le ove mercole le nespole marte le scarpe lune la fune e fine non avrà la Rosina bella in sul mercaa la Rosina bella in sul mercaa. E verrà quel dí di venere mí vó al mercaa comprà la cenere Venere la cenere giove le ove mercole le nespole marte le scarpe lune la fune e fine non avrà la Rosina bella in sul mercaa la Rosina bella in sul mercaa. E verrà quel dì di sabato mi vó al mercaa comprare l'abito Sabato l'abito venere la cenere giove le ove mercole le nespole marte le scarpe lune la fune e fine non avrà la Rosina bella in sul mercaa la Rosina bella in sul mercaa. E verrà quel dì di festa mí vó al mercaa comprà la vesta Festa la vesta sabato l'abito venere la cenere giove le ove mercole le nespole marte le scarpe lune la fune e fine non avrà e la Rosina bella in sul mercaa e la Rosina bella in sul mercaa. Torna all’inizio
La mia mamma la va al mercaa La mia mamma la va al mercaa tutt i dí me ne fa voeuna, voeuna, voeuna; l'ha compraa on bell gallett ch'el sarà la mia fortuna, una, una; el gallett curuccucú, mangemel in dú, mangemel in dú. La mia mamma la va al mercaa tutt i dí me ne fa voeuna, voeuna, voeuna; l'ha compraa ona gajna che la sarà la mia fortuna, una, una; la gajna coccodè, el gallitt curuccucú, mangemel in dú, mangemel in dú. La mia mamma la va al mercaa tutt i dí me ne fa voeuna, voeuna, voeuna; l'ha compraa on bel berin ch'el sarà la mia fortuna, una, una; el berin bè, bè, la gajna coccodè, el gallett curuccucú, mangemel in dú, mangemel in dú. La mia mamma la va al mercaa tutt i dí me ne fa voeuna, voeuna, voeuna; l'ha compraa on bel gattin ch'el sarà la mia fortuna, una, una; el gattin gnau, gnau el berin bè, beè, la gajna coccodè, el gallett curuccucú, mangemel in dú, mangemel in dú. La mia mamma la va al mercaa tutt i dí me ne fa voeuna, voeuna, voeuna;; l'ha compraa on cagnolin ch'el sara la mia fortuna, una, una; el cagnolin bu, bu, el gattin, gnau, gnau, el berin bè, bè, la gajna coccodè, el gailett curuccucú, mangemel in dú, mangemel in dú. Torna all’inizio
Serafino aveva un siffolo Serafino aveva un siffolo che suonava tanto bene che quando l'era nivolo che quando l'era nivolo Serafino aveva un siffolo che suonava tanto bene che quando l'era nivolo facea venir seren. Ohèj Serafin s’te fet sú lí? Soo mì se foo sifolì! Ohèj Serafin s’te fet sú lí? Soo mì se foo sifoli! Ohèj Serafin s’te fet sú lí? Soo mì se foo sifoli! Ohèj Serafin s’te fet sú lí? Sifolaroo anca mì Ohèj Serafin s’te fet sú lí? Sifolaroo anca mì. Ed a sentir sto siffolo tutte le donne belle venivano sull'uscio venivano sull'uscio ed a sentir sto siffolo tutte le donne belle venivano sull'uscio e dicevano cosi: Ohèj Serafin s’te fet sú lí? Soo mì se foo sifolì! Ohèj Serafin s’te fet sú lí? Soo mì se foo sifoli! Ohèj Serafin s’te fet sú lí? Soo mì se foo sifoli! Ohèj Serafin s’te fet sú lí? Sifolaroo anca mì Ohèj Serafin s’te fet sú lí? Sifolaroo anca mì. Torna all’inizio
La Tegnoeula Me regordi che on dí in la mia scoeula, hoo veduu sgorattà ona tegneoula tutt stremii me son miss a vosà: - Te la chí!... Te la lí... Te la là... La maestra, stremida anca lee, l'ha desmiss de spiegà l'abbecce, anca lee la dà foeura a strillà: - Te la chí!... Te la lí... Te la là... I fioeu sbalordii, spaventaa, resten lí mezz minutt senza fiaa... e poeu, tracch, tucc insemma a sbragìà: - Te la chí!... Te la lí... Te la là... Con la scova el va a caccia el bidell, nun scolar tremm per ari el capell, dandegh dent a sguagní, sbragalà: - Te la chí!... Te la lí... Te la là... A man dritta se sent: - Te la chí!... A sinistra rispond: - Te la lí!... D'ogni part l'è un tremendo tronà: - Te la chí!... Te la lí... Te la là... La tegnoeula giamò mezza mòrta, la gh'ha coeur de scappà de la pòrta E nun piangem, podend pu vosà: - Te la chì !... Te la lí... Te la là... Torna all’inizio
De goeubb a ghe n'è tanti L'è vera che sont goeubb ma sont de rispettà de goeubb a ghe n'è tanti de goeubb a ghe n'è tanti l'è vera che sont goeubb ma sont de rispettà de goeubb a ghe n'è tanti de tanti qualità. Ohi li ohi li - ohi li ohi là de goeubb a ghe n'è tanti de goeubb a ghe n'è tanti ohi li, ohi li - ohi là ohi là de goeubb a ghe n'è tanti e de tanti qualità. Mè pader l'era goeubb mè mader anca lee gh'aveva ona sorella e goeubba anca quella gh'aveva on fradell e goeubb anca quell e adess che hoo tòlt miee anca lee col goeubb dedree. Ohi li ohi li - ohi li ohi là de goeubb a ghe n'è tanti de goeubb a ghe n'è tanti ohi li, ohi li - ohi là ohi là de goeubb a ghe n'è tanti e de tanti qualità. Semm andaa a l'osteria gh'era goeubba la mia zia gh'era là i sonador goeubb anca lor la gh'ha avuu du gemej goeubb anca quej el padrin che i ha tegnuu lu de goeubb ghe n'aveva duu. Ohi li ohi li - ohi li ohi là de goeubb a ghe n'è tanti de goeubb a ghe n'è tanti ohi li, ohi li - ohi là ohi là de goeubb a ghe n'è tanti e de tanti qualità. Torna all’inizio